warning: call_user_func_array() expects parameter 1 to be a valid callback, function 'theme_filter_tips_more_info' not found or invalid function name in /var/www/jogorku/includes/theme.inc on line 669.

Талас областынын жергиликтүү соттору 2017-жыл боюнча жыйынтыктоочу жыйын өткөрдү

15.02.2018

2018-жылдын 13-февралында Кыргыз Республикасынын Жогорку сотунун Төрайымы Айнаш Токбаеванын катышуусунда Талас областынын жергиликтүү сотторунун 2017-жыл ичиндеги ишмердүүлүгүнүн жыйынтыгы боюнча жыйын өттү.

 

Толугураак

Ага Талас областтык сотунун төрайымы Клара Калиева, төрайымдын орун басары Токтосун уулу Каныбек, Талас областтык соттун судьялары, биринчи инстанциядагы соттордун төрагалары, судьялары жана Кыргыз Республикасынын Жогорку сотуна караштуу Сот департаментинин Талас облустук башкармалыгынын жетекчиси катышышты.

Кеңешменин жүрүшүндө Талас областтык сотунун кылмыш иштер жана администрациялык укук бузуулар боюнча, жарандык иштер боюнча, экономикалык жана администрациялык иштер боюнча соттук коллегиялардын докладдары, жергиликтүү соттордун 2017-жылдагы ишмердүүлүгүнүн 2016-жылга салыштырмалуу статистикалык маалыматтары жана сот адилеттигин ишке ашыруунун сапатынын көрсөткүчтөрү чагылдырылды.

Кыргыз Республикасынын Жогорку Сотунун Төрайымы Айнаш Токбаева, айрым судьялардын кемчиликтерине токтолуп, сот адилеттигин ишке ашыруунун сапатын жогорулатууну,  соттордо каралып жаткан иштерди мыйзамда белгиленген мөөнөттөрдө каралуусун камсыз кылууну, ишти кароону негизсиз создуктурбоону, соттук актыларды өз убагында жарыялоону, эмгектик тартипти сактоону талап кылаарын белгиледи.  Ошондой эле, төрагалардын иштерди тегиз бөлүштүрүүсүн, иштерди кароодо процесстик укук ченемдердин сакталышын талап кылды.

Жыйында Кыргыз Республикасынын Жогорку сотуна караштуу Сот департаментинин Талас облустук башкармалыгынын ишмердүүлүгү жөнүндө Адилет Чакиевдин маалыматы угулду. А.Токбаева башкармалыктын жетекчисине аткаруу документтердин  өз убагунда жана ыкчам аткарылуусун, жергиликтүү сотторду материалдык-техникалык жактан камсыз кылуу маселелерин чечүүнү талап кылды.

Талас областтык сотунун төраймы Клара Калиева жыйындын соңунда, сот адилеттүүлүгүн ишке ашырууда укуктук-ченемдик актылардын талаптарын кынтыксыз аткарууга чакырды.

 

                                                           Талас областтык сотунун

басма-сөз катчысы

Азырынча комментарийлер жок

Комментарий жазуу

  • Web page addresses and e-mail addresses turn into links automatically.
  • Lines and paragraphs break automatically.

Байланыш маалыматы

720040, Бишкек шаары, Абдумомунов көчөсү, 205
Документациялык камсыздоо, каттар жана жарандарды кабыл алуу бөлүмү
(+996 312) 66-10-89
 
e-mail - vskr@sot.kg
 
 

 

Иштөө графиги

Дүйшөмбү - Жума     08:30 – 17:30

  Түшкү тыныгуу       12:00 – 13:00